மாரண்டஅள்ளி அங்காளம்மன் கோவிலில் திருக்கல்யாண உற்சவம்

மாரண்டஅள்ளி:

மாரண்டஅள்ளி அங்காளம்மன் கோவிலில் மயான கொள்ளை விழாவையொட்டி திருக்கல்யாண உற்சவம் நடந்தது. முன்னதாக அம்மனுக்கு சிறப்பு அபிஷேகம், பூஜை நடந்தது. தொடர்ந்து சிவன், அங்காளம்மன், வெங்கடாஜலபதி சிறப்பு அலங்காரத்தில் பக்தர்களுக்கு அருள்பாலித்தனர். இதில் மாரண்டஅள்ளி மற்றும் அதன் சுற்று வட்டார பகுதியை சேர்ந்த பக்தர்கள் திரளாக கலந்து கொண்டு, நீண்ட வரிசையில் நின்று சாமி தரிசனம் செய்தனர். அவர்களுக்கு பிரசாதம், அன்னதானம் வழங்கப்பட்டது.