மோட்டார் சைக்கிளில் இருந்து தவறி விழுந்தவர் சாவு

அன்னவாசல் அருகே உள்ள அகரப்பட்டியை சேர்ந்தவர் மாரிமுத்து (வயது 53). இவர் அன்னவாசலில் இருந்து அகரப்பட்டிற்கு மோட்டார் சைக்கிளில் சென்று கொண்டிருந்தார். தச்சம்பட்டி பஸ் நிறுத்தம் அருகே சென்றபோது மோட்டார் சைக்கிளில் இருந்து மாரிமுத்து எதிர்பாராதவிதமாக தவறி கீழே விழுந்தார். இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த அன்னவாசல் போலீசார் சம்பவ இடத்துக்கு விரைந்து சென்று அவரது உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.