கடலூர் முதுநகரில் நண்பரை கத்தியால் குத்தியவர் கைது

கடலூர் முதுநகர், 

கடலூர் முதுநகர் பச்சையாங்குப்பம் கிழக்குத் தெரு பகுதியை சேர்ந்தவர் முருகன் (வயது 49). இவரும் அதே பகுதியை சேர்ந்த மீனவரான வெற்றிவேல்(47) என்பவரும் நண்பர்கள் ஆவார்கள். நேற்று இருவரும் ஒரு துக்க நிகழ்ச்சியில் கலந்து கொண்டு திரும்பினர். அப்போது இருவரும் மதுபோதையில் இருந்ததாக தெரிகிறது. மேலும், யார் மது வாங்கித் தருவது என்பதில், இருவருக்கும் இடையே மோதல் ஏற்பட்டதாக தெரிகிறது. இதில் ஆத்திரமடைந்த வெற்றிவேல், முருகனை கத்தியால் குத்தியதாக தெரிகிறது. இதில் காயமடைந்த முருகன், கடலூர் அரசு ஆஸ்பத்திரியில் சிகிச்சை பெற்று வருகிறார். இதுகுறித்த புகாரின்பேரில் கடலூர் துறைமுகம் போலீசார் வழக்குப்பதிவு செய்து வெற்றிவேலை கைது செய்து விசாரணை நடத்தி வருகின்றனர்.