காதலித்த பெண்ணை திருமணம் செய்ய மறுத்த கொத்தனார் கைது

காதலித்த பெண்ணை திருமணம் செய்ய மறுத்த கொத்தனார் கைதுதிருவாரூர் மாவட்டம் வலங்கைமான் அருகே உள்ள சாத்தனூர் மேல தெருவை சேர்ந்தவர் தமிழழகன் (வயது27). கொத்தனார். இவர் கடந்த 1½ ஆண்டாக 19 வயது பெண் ஒருவரை காதலித்து வந்தார். மேலும் அவருடன் நெருக்கமாக பழகி வந்துள்ளார். இதன் காரணமாக அந்த பெண் தற்போது கர்ப்பமாக உள்ளார். இந்த நிலையில் அந்த பெண் தன்னை திருமணம் செய்து கொள்ள வேண்டும் என கேட்டபோது அதற்கு தமிழழகன் மறுப்பு தெரிவித்தார். இதனால் பாதிக்கப்பட்ட அந்த பெண் நன்னிலம் அனைத்து மகளிர் போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து தமிழழகனை கைது செய்து, நாகை சிறையில் அடைத்தனர்.