லாட்டரி சீட்டுகள் விற்றவர் கைது

மதுரை தெற்குவாசல் போலீசார் அவர்கள் எல்லைக்கு உட்பட்ட பகுதியில் ரோந்து சென்றனர். அப்போது தெற்குவாசல் சப்பாணி கோவில் தெரு பகுதியில் அரசு தடை செய்த லாட்டரி சீட்டுகள் விற்பனை செய்து வருவதாக தகவல் கிடைத்தது. உடனே போலீசார் சம்பவ இடத்திற்கு விரைந்து சென்று அங்கு லாட்டரி சீட்டு விற்ற ஒருவரை பிடித்து விசாரித்தனர். அதில் வில்லாபுரம் பகுதியை சேர்ந்த சுப்பிரமணி (வயது 56) என்பதும், அவர் வெளிமாநில லாட்டரி சீட்டுகள் விற்றதும் தெரியவந்தது. அதை தொடர்ந்து போலீசார் வழக்குப்பதிவு செய்து அவரை கைது செய்து, அவரிடமிருந்த லாட்டரி சீட்டுகளும் அதனை விற்ற 1,900 ரூபாயை பறிமுதல் செய்தனர்.