லாட்டரி சீட்டு விற்றவர் கைது

அய்யலூர் ரெயில்வே கேட் பகுதியில் வடமதுரை போலீஸ் சப்-இன்ஸ்பெக்டர் கார்த்திகேயன் தலைமையிலான போலீசார் நேற்று ரோந்து சென்றனர். அப்போது அங்கே சந்தேகத்திற்கு இடமாக நின்றிருந்த நபரை பிடித்து விசாரித்தனர். அதில் அவர் தோப்புப்பட்டியை சேர்ந்த சின்னசாமி (வயது 65) என்பதும், தடை செய்யப்பட்ட லாட்டரி சீட்டுகளை மறைத்து வைத்து விற்பனை செய்ததும் தெரியவந்தது. அதனைத்தொடர்ந்து போலீசார் சின்னச்சாமி மீது வழக்குப்பதிவு செய்து அவரை கைது செய்தனர். மேலும் அவரிடமிருந்து 5 லாட்டரி சீட்டுகள் பறிமுதல் செய்யப்பட்டன.