லாட்டரி சீட்டுகள் விற்றவர் கைது

வடகாடு:

வடகாடு பகுதியில் லாட்டரி சீட்டுகள் விற்பனை நடைபெறுவதாக பல புகார்கள் வந்ததை தொடர்ந்து தனிப்படை போலீசார் வடகாடு மற்றும் அதனை சுற்றியுள்ள பகுதிகளில் ரோந்து பணியில் ஈடுபட்டு வந்தனர். அப்போது வடகாடு அருகே லாட்டரி சீட்டு விற்பனையில் ஈடுபட்டு இருந்த கீழாத்தூர் காந்தி நகரை சேர்ந்த கார்த்திகேயன் (வயது 77) என்பவரை கைது செய்தனர். மேலும் அவரிடமிருந்து 27 வெளிமாநில லாட்டரி சீட்டுகளை பறிமுதல் செய்தனர்.