சாராயம் கடத்தியவர் கைது

நாகூர்:

நாகூர் அருகே மேலவாஞ்சூர் சோதனை சாவடியில் போலீசார் வாகன சோதனையில் ஈடுபட்டனர். அப்போது காரைக்காலில் இருந்து நாகையை நோக்கி மோட்டார் சைக்கிளில் சங்தேகப்படும் வகையில் வந்தவரை நிறுத்தி விசாரணை நடத்தினர். இதில் அவர் கீழையூர் அருகே கருங்கண்ணி அய்யனார் கோவில் தெருவை சேர்ந்த கவுதமன் (வயது 42) என்பதும், காரைக்கால் பகுதியில் இருந்து மோட்டார் சைக்கிளில் சாராயம் கடத்தி வந்ததும் தெரிய வந்தது. இதுகுறித்து நாகூர் போலீசார் வழக்குப்பதிவு செய்து கவுதமனை கைது செய்தனர். மேலும் அவரிடம் இருந்து 110 லிட்டர் சாராயத்தையும், கடத்தலுக்கு பயன்படுத்திய மோட்டார் சைக்கிளையும் பிறமுதல் செய்தனர்.