டாஸ்மாக் கடை அருகே மது விற்றவர் கைது

வி.கைகாட்டி:

அரியலூர் மாவட்டம், கயர்லாபாத் போலீஸ் சப்-இன்ஸ்பெக்டர் பூபாலன் மற்றும் போலீசார் நேற்று ரோந்து பணியில் ஈடுபட்டனர். தேளூர் ஜி.கே.எம்.நகர் பகுதியில் உள்ள டாஸ்மாக் கடையின் பின்புறம் சட்டவிரோமாக மது விற்கப்படுவதாக கிடைத்த தகவலின்பேரில் அங்கு சென்று சோதனை மேற்கொண்டனர். அப்போது வெண்மான்கொண்டான் பள்ளிக்கூட தெருவை சேர்ந்த மோகன்(வயது 57) மது பாட்டில்களை பதுக்கி கூடுதல் விலைக்கு விற்றது தெரியவந்தது. இது குறித்து போலீசார் வழக்குப்பதிந்து மோகனை கைது செய்து அவரிடம் இருந்த 45 குவார்ட்டர் மது பாட்டில்களை பறிமுதல் செய்தனர்.