கோத்தகிரி அருகே மது விற்றவர் கைது

கோத்தகிரி

கோத்தகிரி சுற்றுவட்டார பகுதிகளில் அனுமதியின்றி சிலர் மது பாட்டில்களை கூடுதல் விலைக்கு விற்பதாக போலீசாருக்கு ரகசிய தகவல் கிடைத்தது. தகவலின்பேரில் கோத்தகிரி சப் -இன்ஸ்பெக்டர் சேகர் தலைமையிலான போலீசார் கோத்தகிரி அருகே உள்ள இடுஹட்டி கிராமப் பகுதியில் திடீர் மது விலக்கு சோதனையில் ஈடுபட்டனர். அப்போது இடுஹட்டி, பெரியார் நகர் பகுதியில் ஜெயராஜ் (வயது 60) என்பவரது வீட்டில் வைத்து அனுமதியின்றி மதுபாட்டில்களை விற்பனை செய்து வருவது கண்டுபிடிக்கப்பட்டது. உடனடியாக அவரை கைது செய்த போலீசார், அவர் விற்பனைக்காக வைத்திருந்த 10 மதுபாட்டில்களையும் பறிமுதல் செய்தனர்.

இதே போல கூக்கல்தொரை பொன் நகர் பகுதியில் போலீசார் மேற்கொண்ட சோதனையில் தமிழக அரசால் தடை செய்யப்பட்ட புகையிலைப் பொருட்களை பெட்டிகடையில் விற்பனை செய்த சம்சுதீன் (47) என்பவரை கைது செய்த போலீசார் அவரிடமிருந்த புகையிலை பாக்கெட்டுகளையும் பறிமுதல் செய்தனர்.