மதுபானம் விற்றவர் கைது

கூடலூர் வடக்கு போலீஸ் சப்-இன்ஸ்பெக்டர் பாலசுப்பிரமணியன் தலைமையில் போலீசார் கருநாக்கமுத்தன்பட்டி பேச்சியம்மன் கோவில்தெரு பகுதியில் ரோந்து சென்றனர். அப்போது ஒருவர் கையில் பையுடன் நின்று கொண்டிருந்தார். அவரை போலீசார் பிடித்து சோதனை செய்தனர். அதில் மதுபாட்டில்கள் இருந்தது தெரியவந்தது. அதனை பறிமுதல் செய்த போலீசார் விசாரணை நடத்தினர். விசாரணையில் அவர், அதே பகுதியை சேர்ந்த சின்னுக்காளை (வயது 65) என்பதும், அரசு மதுபான கடைகளில் மதுபாட்டில்களை மொத்தமாக வாங்கி கூடுதல் விலைக்கு விற்பனை செய்ததும் தெரியவந்தது. இதையடுத்து போலீசார் அவரை கைது செய்தனர்.