பாவூர்சத்திரம்:
பாவூர்சத்திரம் அருகே திருமலாபுரம் மேல தெருவை சேர்ந்த குருசாமி மகன் செல்லத்துரை (வயது 70). இவர் திரவியநகர் கோழிப்பண்ணை அருகே மது பாட்டில் விற்பனை செய்து வந்துள்ளார். இதுபற்றி பாவூர்சத்திரம் போலீசுக்கு கிடைத்த ரகசிய தகவலின் பேரில் போலீசார் அங்கு சென்று அவரிடமிருந்து விற்பனைக்காக வைத்திருந்த 82 மது பாட்டில்களை பறிமுதல் செய்தனர்.
இதேபோல் பாவூர்சத்திரம் கே.டி.சி. நகரில் போலீசார் வாகன சோதனையில் ஈடுபட்டிருந்தனர். அப்போது அந்த வழியாக மோட்டார்சைக்கிளில் வந்த சடையப்பபுரம் மேலத்தெரு ராமையா மகன் கோபாலகிருஷ்ணன் என்ற கண்ணன் (வயது 42) என்பவரிடம் சோதனை நடத்தினர். அவரிடம் இருந்து 96 மது பாட்டில்களையும், அவர் ஓட்டி வந்த மோட்டார் சைக்கிளையும் போலீசார் பறிமுதல் செய்தனர். இவர்கள் இருவர் மீதும் போலீசார் வழக்கு பதிவு செய்து கைது செய்தனர்.