சாராயம் விற்றவர் கைது

மணல்மேடு;

மணல்மேடு அருகே உள்ள கொற்கை கிராமத்தில் சாராயம் விற்பதாக போலீசாருக்கு ரகசிய தகவல் கிடைத்தது. இதன் பேரில் மணல்மேடு போலீசார் விரைந்து சென்று அங்கு கண்காணித்தனர். அப்போது சந்தேகத்துக்குரிய வகையில் அங்கு நின்று கொண்டிருந்த நபரை பிடித்து விசாரித்தனர். விசாரணையில் கொற்கை மெயின் ரோடு பகுதியை சேர்ந்த விஜயகுமார்(வயது 44) என்றும் அவர் சாராயம் விற்றதும் தெரியவந்தது. இதைத்தொடர்ந்து போலீசார் விஜயகுமாரை கைது செய்து விசாரணை நடத்தி வருகிறார்கள். மேலும் அவரிடம் இருந்து 55 லிட்டர் சாராயம் பறிமுதல் செய்யப்பட்டது.