கபிஸ்தலம்:
அரியலூர் மாவட்டம் குணமங்கலத்தை அடுத்த குஞ்சுவேலி கிராமம் பிள்ளையார்கோவில் தெருவை சேர்ந்தவர் சந்திரசேகரன். இவரது மனைவி சங்கீதா (வயது28). நேற்று மதியம் கணவன்-மனைவி இருவரும் மோட்டார்சைக்கிளில் தஞ்சை மாவட்டம் கும்பகோணம் வந்துவிட்டு வீட்டிற்கு திரும்பி சென்று கொண்டிருந்தனர். அப்போது நீலத்தநல்லூர் சோதனைச்சாவடி சென்றபோது எதிரே வந்த லாரி எதிர்பாராதவிதமாக மோட்டார்சைக்கிள் மீது மோதியது. இதில் படுகாயமடைந்த சங்கீதா சம்பவ இடத்திலேயே இறந்தார். லேசான காயங்களுடன் சந்திரசேகரன் உயிர் தப்பினார். தகவல் அறிந்ததும் சுவாமிமலை போலீசார் சம்பவ இடத்திற்கு வந்து சங்கீதாவின் உடலை கைப்பற்றி கும்பகோணம் அரசு ஆஸ்பத்திரிக்கு பிரேத பரிசோதனைக்காக அனுப்பிவைத்தனர். இதுகுறித்த புகாரின் பேரில் சுவாமிமலை போலீசார் வழக்குப்பதிவு செய்து விசாரணை நடத்தி வருகின்றனர்.