முதியவரை தாக்கிய தொழிலாளி கைது

பேட்டை:

நெல்லையை அடுத்த பழைய பேட்டை நாராயணசாமி கோவில் வடக்கு தெருவை சேர்ந்தவர் கணேசன் (வயது 67). இவரது பேரன் சதீஷ். இவரிடம் அப்பகுதியை சேர்ந்தவர்கள் பீடி குடிப்பதற்கு தீப்பெட்டி கேட்டு உள்ளனர். அதற்கு அவர் மறுத்துள்ளார். இதனால் ஆத்திரம் அடைந்த அதே பகுதியை சேர்ந்த தொழிலாளியான மூர்த்தி (27) உள்பட 4 பேர் சேர்ந்து சதீஷ்சை தேடி வீட்டிற்கு சென்றனர். ஆனால் அங்கு அவர் இல்லாததால் அவரது தாத்தா கணேசனிடம் வாக்குவாதத்தில் ஈடுபட்டு, அவரை கம்பால் தாக்கியதாக கூறப்படுகிறது. இதில் காயம் அடைந்த கணேசன் பாளையங்கோட்டை அரசு ஆஸ்பத்திரியில் சிகிச்சைக்காக சேர்க்கப்பட்டார்.

இதுகுறித்து கணேசன் கொடுத்த புகாரின் பேரில் பேட்டை போலீசார் வழக்குப்பதிவு செய்து, மூர்த்தியை கைது செய்தனர். மற்ற 3 பேரை தேடி வருகிறார்கள்.