கோத்தகிரி பிக் மாஸ்டர்ஸ் அணி வெற்றி

கோத்தகிரி

நீலகிரி மாவட்ட கிரிக்கெட் சங்கம் சார்பில், மாவட்ட அளவிலான ஏ, பி மற்றும் சி டிவிஷன் கிரிக்கெட் போட்டிகள் கோத்தகிரி காந்தி மைதானத்தில் நடைபெற்று வருகிறது. இந்தநிலையில் நேற்று நடைபெற்ற சி டிவிஷன் பிரிவிற்கான லீக் போட்டியில் கெந்தொரை அணியும், கோத்தகிரி பிக் மாஸ்டர்ஸ் அணியும் மோதியது. இந்த போட்டியில் டாஸ் வென்று முதலில் பேட்டிங் செய்த கோத்தகிரி பிக் மாஸ்டர்ஸ் அணி நிர்ணயிக்கப்பட்ட 35 ஓவர்களில் 9 விக்கெட்டுகளை இழந்து 257 ரன்கள் எடுத்தது. இந்த அணி வீரர்கள் சந்திரசேகர் 59 ரன்கள், ராகுல் 46 ரன்கள், சிவபாரத் 45 ரன்கள், அபிமன்யூ 27 ரன்கள், பிரசாந்த் 26 ரன்கள் எடுத்தனர். இதைத்தொடர்ந்து 210 பந்துகளில் 258 ரன்கள் எடுத்தால் வெற்றி என்ற கடினமான இலக்குடன் விளையாடிய கெந்தொரை அணி 18 ஓவர்களில் 64 ரன்கள் எடுத்து ஆல் அவுட் ஆனது. இந்த அணி வீரர் சுரேஷ் அதிகபட்சமாக 20 ரன்கள் எடுத்தார். கோத்தகிரி பிக் மாஸ்டர்ஸ் அணியின் பந்து வீச்சாளர் சிவபாரத் 4 விக்கெட்டுகளை வீழ்த்தினார். இதன் மூலம் 193 ரன்கள் வித்தியாசத்தில் கோத்தகிரி பிக் மாஸ்டர்ஸ் அணி வெற்றி பெற்றது.