மொரப்பூர்:
தர்மபுரி மாவட்டம் மொரப்பூர் அருகே உள்ள ஒரு கிராமத்தை சேர்ந்தவர் 17 வயது சிறுமி. இவர் தனியார் கல்லூரியில் பி.காம். முதலாமாண்டு படித்து வந்தார். பின்னர் கல்லூரிக்கு செல்லாமல் பாதியிலேயே நின்று விட்டார். இந்தநிலையில் கடந்த மாதம் 25-ந் தேதி வீட்டை விட்டு வெளியே சென்ற சிறுமி, பின்னர் வீடு திரும்பவில்லை. இதனால் அதிர்ச்சி அடைந்த பெற்றோர் அவரை பல்வேறு இடங்களில் தேடி பார்த்தும் கிடைக்கவில்லை. இதுகுறித்து அவர்கள் மொரப்பூர் போலீசில் புகார் அளித்தனர். அதன்பேரில் போலீசார் வழக்குப்பதிவு செய்து, தீவிர விசாரணை நடத்தினர். அப்போது சிறுமியை அவருடைய உறவினரான முருகன் (வயது 60) என்ற முதியவர் கடத்தி சென்றது தெரியவந்தது. இதையடுத்து போலீசார் முருகனை கைது செய்தனர். மேலும் சிறுமி மீட்கப்பட்டார்.