முதல்-அமைச்சர் கோப்பைக்கான கபடி போட்டி

சங்கரன்கோவில்:

முதல்-அமைச்சர் கோப்பைக்கான கபடி மற்றும் கூடைப்பந்து போட்டிகள் சங்கரன்கோவில் அரசு மகளிர் ஆண்கள் மேல்நிலைப்பள்ளியில் நடந்து வருகிறது. இதில் மகளிர் கபடி அணிக்கான போட்டி தொடக்க நிகழ்ச்சி நடந்தது. மாவட்ட விளையாட்டு அலுவலர் வினு தலைமை தாங்கினார். தலைமை செயற்குழு உறுப்பினர் பரமகுரு, நகராட்சி தலைவர்கள் சங்கரன்கோவில் உமா மகேஸ்வரி, புளியங்குடி விஜயா, ஒன்றிய செயலாளர் பெரியதுரை, நகர செயலாளர் பிரகாஷ், பள்ளி தலைமை ஆசிரியர் பார்த்திபன், உடற்கல்வி இயக்குனர் நாராயணன் ஆகியோர் முன்னிலை வகித்தனர்.

சிறப்பு அழைப்பாளராக தென்காசி வடக்கு மாவட்ட தி.மு.க. செயலாளர் ராஜா எம்.எல்.ஏ. கலந்து கொண்டு தொடங்கி வைத்துபேசினார். இதில் நகராட்சி சுகாதார ஆய்வாளர் பாலச்சந்தர், பொதுக்குழு உறுப்பினர்கள் வெள்ளைத்துரை, மகேஸ்வரி, முன்னாள் பொதுக்குழு உறுப்பினர் அன்புமணி கணேசன், மின்வாரிய தொ.மு.ச. திட்ட செயலாளர் மகாராஜன், நகர அவைத் தலைவர் முப்பிடாதி, நகர துணை செயலாளர்கள் மாரியப்பன் உள்பட பலர் கலந்து கொண்டனர்.