தென்னிந்திய அளவில் பெண்களுக்கான மின்னொளி கபடி போட்டி

சிங்கம்புணரியில் தென்னிந்திய அளவில் பெண்களுக்கான கபடி போட்டி நடந்தது. போட்டியை அமைச்சர் பெரிய கருப்பன் தொடங்கி வைத்தார்.

கபடி போட்டி

சிங்கம்புணரி ஒன்றிய, நகர, தி.மு.க. மற்றும் சார்பு அணிகள் சார்பில் கலைஞரின் நூற்றாண்டு விழாவை முன்னிட்டும் தி.மு.க. தலைவர் முதல்-அமைச்சர் மு.க.ஸ்டாலின் பிறந்த நாளை முன்னிட்டும் தென்னிந்திய அளவில் பெண்களுக்கான மின்னொளி கபடி போட்டி சிங்கம்புணரி சேவுகப்பெருமாள் அய்யனார் கோவில் பின்புறம் உள்ள ைமதானத்தில் நடைபெற்றது. தமிழகம் மற்றும் பல்வேறு மாநிலங்களில் இருந்து 18 அணிகள் கலந்து கொண்டன.

முன்னதாக சிங்கம்புணரி அண்ணா மன்றம் அருகே விழா குழு தலைவரும், கூட்டுறவு துறை அமைச்சரும், தி.மு.க. மாவட்ட செயலாளருமான கே.ஆர். பெரியகருப்பன் கொடியசைத்து பேரணியை தொடங்கி வைத்தார். கபடி போட்டி வீராங்கனைகள் இளைஞரணி, தொண்டர் அணியுடன் பேரணியாக காரைக்குடி சாலை வழியாக மைதானத்திற்கு வந்தனர். அங்கு அமைச்சர் பெரியகருப்பன் தலைமையில் கபடி போட்டி தொடங்கி வைக்கப்பட்டது.

கலந்து கொண்டவர்கள்

இந்நிகழ்ச்சியில் முன்னாள் எம்.எல்.ஏ. அருணகிரி, மாவட்ட அவைத்தலைவர் கணேசன், வடக்கு ஒன்றிய செயலாளர் பூமிநாதன், தெற்கு ஒன்றிய செயலாளர் பாலசுப்பிரமணியன், நகர அவைத்தலைவர் சிவக்குமார், பொதுக்குழு உறுப்பினர், சிங்கம்புணரி பேரூராட்சி தலைவர் அம்பலமுத்து, நகர செயலாளர் கதிர்வேல், பேரூராட்சி துணைத் தலைவர் இந்தியன் செந்தில், வடக்கு ஒன்றிய துணை செயலாளர் சிவபுரி சேகர், தெற்கு ஒன்றிய துணை செயலாளர் முத்துக்குமார், நகர துணை செயலாளர் அலாவுதீன், மருத்துவர் அருள்மணி நாகராஜன், சூரக்குடி ஊராட்சி முன்னாள் தலைவர் அனந்தகிருஷ்ணன், பொதுக்குழு உறுப்பினர் சோமசுந்தரம், பிரதிநிதி குடோன் மணி, தருண் மெடிக்கல் புகழேந்தி, நகர பொருளாளர் செந்தில் கிருஷ்ணன், ஒன்றிய பொருளாளர் மணப்பட்டி பாஸ்கரன், ஒன்றிய இளைஞரணி அமைப்பாளர் மனோகரன், சிங்கம்புணரி கிராம அம்பலம் சத்தியசீலன், ஸ்பெயின் பாண்டியராஜன், ஜமாத் தலைவர் ராஜாமுகமது, மாவட்ட பிரதிநிதிகள் காளாப்பூர் செல்வகுமார், தனுஷ்கோடி, பேரூராட்சி கவுன்சிலர்கள் ஜெயக்குமார், மீனா மனோகரன், தொழிலதிபர் ரவிபாலா பிரகாஷ், கே.கே. கன்ஸ்ட்ரக்சன் கரந்தமலை, முன்னாள் மாவட்ட கவுன்சிலர் கதிர்காமம், மேலப்பட்டி ஊராட்சி தலைவர் ஜெயராணி சிவக்குமார், தொழிலதிபர் சிவக்குமார், முறையூர் ஊராட்சி தலைவர் சுரேஷ், ஒன்றிய கவுன்சிலர்கள் உதயசூரியன், ரம்யா செல்வகுமார், வையாபுரி செந்தில், சென்னை ராமலிங்கம், பார்த்திபன், ஞானி செந்தில், மதிசூடியன், தொழில்நுட்ப பிரிவு சையது, அமுதன், பரிச்சி சரவணன், முரசொலி கார்த்திக், தொண்டரணி அமைப்பாளர் துரைச்சாமி, காங்கிரஸ் இலக்கிய அணி சிங்கை தருமன், காங்கிரஸ் நகர தலைவர் தாயுமானவன், பேச்சாளர் உதயன் மற்றும் பலர் கலந்து கொண்டனர். இந்த கபடி போட்டி 2 நாட்கள் நடைபெறுகிறது. போட்டியில் ஆர்.எம்.எஸ். புசலியம்மாள் மருத்துவமனை குழுவினர் மருத்துவ உதவிகள் செய்து வருகின்றனர். விழா ஏற்பாடுகளை சிங்கம்புணரி ஒன்றிய, நகர தி.மு.க. மற்றும் சார்பு அணிகள் செய்திருந்தனர்.