ஜெயலலிதா பிறந்த நாள் விழா

திருச்செந்தூர்:

தமிழக முன்னாள் முதல்-அமைச்சர் ஜெயலலிதாவின் பிறந்த நாளை முன்னிட்டு திருச்செந்தூர் தேரடியில் நகர அ.தி.மு.க. சார்பில் அவரது உருவ படத்திற்கு திருச்செந்தூர் ஒன்றிய ஜெயலலிதா பேரவை செயலாளர் சுரேஷ்பாபு தலைமையில் மாலை அணிவித்து மரியாதை செலுத்தப்பட்டது. பின்னர் பொதுமக்களுக்கு இனிப்புகள் வழங்கப்பட்டன. நிகழ்ச்சியில், திருச்செந்தூர் ஒன்றிய எம்.ஜி.ஆர். மன்ற செயலாளர் மகாலிங்கம், நகர அ.தி.மு.க. துணை செயலாளர் சுந்தர், திருச்செந்தூர் யூனியன் துணை தலைவர் ரெஜிபர்ட் பர்னாந்து உள்பட பலர் கலந்து கொண்டனர்.

* சாத்தான்குளம் ஒன்றிய, நகர அ.தி.மு.க சார்பில் புதிய பஸ்நிலையம் முன்பு நடந்த விழாவுக்கு நகர செயலர் குமரகுருபரன் தலைமை தாங்கினார். ஒன்றிய ஜெயலலிதா பேரவை செயலரும், புதுக்குளம் பஞ்சாயத்து தலைவருமான பாலமேனன் முன்னிலை வகித்தார். விழாவில் ஜெயலலிதா உருவப்படத்துக்கு மாலை அணிவித்து மரியாதை செலுத்தப்பட்டு பொதுமக்களுக்கு இனிப்பு வழங்கப்பட்டது. ஒன்றிய துணை செயலர் சின்னத்துரை, நகர பொருளாளர் செல்வேந்திரன், முன்னாள் மாவட்ட வழக்கறிஞர் பிரிவு துணை செயலர் ஏ.ஆர்.இளங்கோ உள்ளிட்ட பலர் கலந்து கொண்டனர்.