சுதந்திர தின விழா கொண்டாட்டம்

சிவகாசி, 

சுதந்திரதினத்தையொட்டி சிவகாசியில் சப்-கலெக்டர், மேயர் உள்ளிட்ட அரசு அதிகாரிகள் தேசிய கொடியை ஏற்றி மரியாதை செலுத்தினர்.

சுதந்திரதினவிழா

75-வது சுதந்திரதினவிழாவையொட்டி சிவகாசியில் உள்ள அரசு அலுவலகங்களில் தேசிய கொடி ஏற்றப்பட்டு மரியாதை செலுத்தப்பட்டது. சிவகாசி சப்-கலெக்டர் அலுவலகத்தில் நடைபெற்ற நிகழ்ச்சியில் சப்-கலெக்டர் பிரிதிவிராஜ் தேசிய கொடியை ஏற்றி வைத்து மரக்கன்றுகளை நட்டு வைத்தார்.

இந்த நிகழ்ச்சியில் தாசில்தார்கள் லோகநாதன், ஆனந்தராஜ், வட்ட வழங்கல் அதிகாரி ஜெயபாண்டி, தலைமை உதவியாளர் பார்வதி உள்பட பலர் கலந்து கொண்டனர். துணை போலீஸ் சூப்பிரண்டு அலுவலகத்தில் நடைபெற்ற சுதந்திரதினவிழாவில் துணைபோலீஸ் சூப்பிரண்டு பாபுபிரசாந்த் தேசியகொடியை ஏற்றி வைத்தார்.

மாநகராட்சி அலுவலகம்

சிவகாசி மாநகராட்சி அலுவலகத்தில் நடைபெற்ற சுதந்திரதின விழாவில் மேயர் சங்கீதா இன்பம் தேசிய கொடியை ஏற்றி வைத்து சிறப்பாக பணியாற்றிய ஊழியர்களுக்கு நினைவு பரிசுகளை வழங்கினார். இந்த நிகழ்ச்சியில் துணை மேயர் விக்னேஷ்பிரியா காளிராஜன், கமிஷனர் கிருஷ்ணமூர்த்தி, மண்டல தலைவர்கள் குருசாமி, அழகுமயில் பொன்சக்திவேல், சூர்யா, சேவுகன், மாநகராட்சி கவுன்சிலர்கள், அதிகாரிகள், அலுவலர்கள், பொதுமக்கள் கலந்து கொண்டனர்.

சிவகாசி யூனியனில் நடைபெற்ற சுதந்திரதினவிழாவில் யூனியன் தலைவர் முத்துலட்சுமி தேசிய கொடியை ஏற்றி வைத்தார். இதில் துணைத்தலைவர் விவேகன்ராஜ், வட்டார வளர்ச்சி அலுவலர்கள் சீனிவாசன், ராமமூர்த்தி, ஒன்றிய கவுன்சிலர்கள், அதிகாரிகள் மற்றும் பலர் கலந்து கொண்டனர். சிவகாசி உட்கோட்டத்தில் உள்ள சிவகாசி டவுன், சிவகாசி கிழக்கு, திருத்தங்கல், மாரனேரி, எம்.புதுப்பட்டி, அனைத்து மகளிர் காவல் நிலையம் ஆகிய இடங்களில் சுதந்திரதினவிழா கொண்டாடப்பட்டது.

சிவகாசி அரசு ஆஸ்பத்திரியில் நடைபெற்ற சுதந்திரதினவிழாவில் டாக்டர் சுரேஷ் தேசிய கொடியை ஏற்றி வைத்தார். தீயணைப்பு நிலையத்தில் சுதந்திரதின விழா கொண்டாடப்பட்டது.