தூத்துக்குடியில்மாவட்ட அளவிலான சதுரங்க போட்டி

தூத்துக்குடியில் மாவட்ட அளவிலான சதுரங்க போட்டி நாளைமறுநாள் (ஞாயிற்றுக்கிழமை) நடக்கிறது.

இது குறித்து தூத்துக்குடி மாவட்ட சதுரங்க கழக செயலாளர் கற்பகவள்ளி வெளியிட்டுள்ள அறிக்கையில் கூறி இருப்பதாவது:-

சதுரங்க போட்டி

தூத்துக்குடி காமராஜ் கல்லூரியில் சதுரங்க வீரர், வீராங்கணைகளை ஊக்குவிக்கும் வகையில் நாளைமறுநாள் (ஞாயிற்றுக்கிழமை) மாவட்ட அளவிலான சதுரங்க போட்டி நடக்கிறது. இந்த போட்டிகள் 9 வயது, 11 வயது, 13 வயது மற்றும் 15 வயதுக்கு உட்பட்டோர் பிரிவு ஆகிய 4 பிரிவுகளாக நடக்கிறது. இந்த போட்டியில் பங்குபெற விரும்புவோர் நாளை (சனிக்கிழமை) மாலைக்குள் தங்கள் பெயரை பதிவு செய்து கொள்ள வேண்டும். தாமதமாக போட்டி நாளன்று வருபவர்கள் இரண்டாம் சுற்றில் இருந்து மட்டுமே கலந்து கொள்ள முடியும்.

இந்த போட்டிக்கான நுழைவு கட்டணத்தை www.easypaychess.comமற்றும் www.signinchess.comஆகிய இணையதளங்களில் செலுத்தி பெயரை பதிவு செய்து கொள்ளலாம். போட்டியில் பங்குபெறும் அனைவரும் பிறப்புச் சான்றிதழ் நகல் அல்லது ஆதார் அட்டை நகல் மற்றும் போட்டோவுடன் ரூ.75 செலுத்தி தூத்துக்குடி மாவட்ட விளையாட்டு வீரர் எண் பெற்றுக் கொள்ள வேண்டும்.

பரிசு

ஒவ்வொரு பிரிவிலும் மாணவர்களுக்கு 10 பரிசுகளும், மாணவிகளுக்கு 10 பரிசுகளும் என நான்கு பிரிவுக்கும் மொத்தம் 80 பரிசுகள் வழங்கப்பட உள்ளன. பரிசளிப்பு விழாவுக்கு சர்வதேச நடுவரும், ஒலிம்பியாட் போட்டி ஒருங்கிணைப்பாளருமான சு.அனந்தராம், மாவட்ட உடற்கல்வி ஆய்வாளர் கண்ணதாசன் ஆகியோர் கலந்து கொண்டு வெற்றி பெற்ற வீரர், வீராங்கணைகளுக்கு பரிசுகளை வழங்க உள்ளனர்.

மேலும் விவரங்களுக்கு 98658 30030, 89257 88874, 96983 95983, 98945 42121 ஆகிய எண்களில் தொடர்பு கொள்ளலாம். போட்டிக்கான ஏற்பாடுகளை காமராஜ் கல்லூரியின் காமராஜ் சதுரங்க கிளப் உறுப்பினர்கள் மற்றும் மாவட்ட சதுரங்க கழகத்தினர் இணைந்து செய்து வருகின்றனர்.