தேவாரத்தில் வாகனம் மோதி பள்ளி மாணவர் படுகாயம்

தேவாரம் டி.கே.வி.பள்ளி தெருவை சேர்ந்த ராஜா மகன் நாக பிரசாத் (வயது 15). இவர், அங்குள்ள பள்ளியில் 10-ம் வகுப்பு படித்து வருகிறார். நேற்று முன்தினம் இவர், தேவாரம்-போடி மாநில நெடுஞ்சாலையில் ஆதிதிராவிடர் மாணவர் விடுதி அருகே சைக்கிளில் சென்று கொண்டிருந்தார். அப்போது அந்த வழியாக வந்த வாகனம் அவர் மீது மோதிவிட்டு நிற்காமல் சென்றது. இதில் படுகாயமடைந்த அவரை அக்கம்பக்கத்தினர் மீட்டு சிகிச்சைக்காக தேனி அரசு மருத்துவ கல்லூரி மருத்துவமனையில் சேர்த்தனர். அங்கு அவர் சிகிச்சை பெற்று வருகிறார். இதுகுறித்து தேவாரம் போலீசார் வழக்குப்பதிவு செய்து விசாரணை நடத்தி வருகின்றனர்.