சென்னையில் ஆபரணத்தங்கத்தின் விலை சவரனுக்கு ரூ.280 அதிகரிப்பு.!

சென்னை,

தங்கத்தின் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக மக்களுக்கு கண்ணாமூச்சு காட்டி வருகிறது. இந்நிலையில், தங்கத்தின் விலை இன்று அதிகரித்து உள்ளது.

அதன்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.280 அதிகரித்து ரூ. 44,800-க்கு விற்பனை செய்யப்படுகிறது. 22 கேரட் ஆபரணத்தங்கத்தின் விலை கிராமுக்கு ரூ.35 அதிகரித்து ரூ.5,600-க்கு விற்பனை செய்யப்படுகிறது.

அதைபோல வெள்ளியின் விலையும் அதிரடியாக உயர்ந்துள்ளது. ஒரு வெள்ளியின் விலை கிராமுக்கு 2 ரூபாய் அதிகரித்து 79.70-க்கு விற்பனை செய்யப்படுகிறது. ஒரு கிலோ வெள்ளி 79,700-க்கு விற்பனை செய்யப்படுகிறது.