விருதுநகர் அல்லம்பட்டியை சேர்ந்தவர் மாதவன் (வயது 45). இவரது மனைவி உமாதேவி (39). இவர்கள் இருவரும் மதுரைக்கு இருசக்கர வாகனத்தில் சென்று விட்டு ஊர் திரும்பிக் கொண்டிருந்தனர். விருதுநகர்-மதுரை ரோட்டில் என்.ஜி.ஓ. காலனி அருகே வந்து கொண்டிருந்தபோது அந்த வழியாக வந்த கார், மாதவன் ஒட்டி வந்த இருசக்கர வாகனம் மீது மோதியது. இதில் மாதவன் படுகாயம் அடைந்து சம்பவ இடத்திலேயே பலியானார். உமாதேவியும் படுகாயம் அடைந்தார். அவர் சிகிச்சைக்காக விருதுநகர் அரசு ஆஸ்பத்திரியில் சேர்க்கப்பட்டுள்ளார். இதுபற்றி உமாதேவி கொடுத்த புகாரின்பேரில் பாண்டியன் நகர் போலீசார், காரை ஓட்டி வந்த நெல்லை மாவட்டம் சடையப்பபுரத்தை சேர்ந்த மாரி செல்வம்(37) என்பவரை கைது செய்து வழக்கு பதிவு செய்துள்ளனர்.