வீடு புகுந்து நகை, பொருட்கள் திருட்டு

மதுரை ஒத்தக்கடை ராஜீவ்நகரை சேர்ந்தவர் சந்தோஷ். இவருடைய மனைவி சரண்யா (வயது 24). சம்பவத்தன்று, கணவன்- மனைவி இருவரும் வெளியூர் சென்று விட்டனர். பின்னர் திரும்பி வந்து பார்த்தபோது, வீட்டின் பின் பக்க கதவு உடைக்கப்பட்டிருந்தது. உள்ளே சென்று பார்த்தபோது, பீரோவில் இருந்த 2½ பவுன் நகை, கிரைண்டர், விநாயகர் சிலை, செல்போன் உள்ளிட்ட ரூ.80 ஆயிரம் மதிப்பிலான பொருட்கள் திருடுபோனது தெரியவந்தது. இதுகுறித்து சரண்யா அளித்த புகாரின் பேரில் ஒத்தக்கடை போலீசார் வழக்குப்பதிவு செய்து, அதே பகுதியை சேர்ந்த சித்திரைசெல்வன் (20) என்பவரை கைது செய்தனர்.