பஸ் நிறுத்தத்தில் நின்று கொண்டிருந்த பெண்ணிடம் 10½ பவுன் நகை அபேஸ்

மதுரை நாகமலைபுதுக்கோட்டை மேலத் தெருவை சேர்ந்தவர் கவுரி (வயது 24). சம்பவத்தன்று இவர் பெருங்குடி பஸ் நிறுத்தத்தில் நின்று கொண்டிருந்தார். அப்போது அவர் வைத்திருந்த பையை யாரோ மர்மநபர்கள் திருடி சென்று விட்டனர். அதில் 10½ பவுன் நகை இருந்தது. இது குறித்து கவுரி அவனியாபுரம் போலீசில் புகார் அளித்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.