மோட்டார் சைக்கிளில் இருந்து தவறி விழுந்து பட்டதாரி வாலிபர் சாவு

திருவண்ணாமலையை அடுத்த மங்கலம் அருகில் உள்ள கெடாதாங்கல் பகுதியைச் சேர்ந்தவர் பாண்டுரங்கன் என்பவரின் மகன் மோகன்தாஸ் (வயது 22), பட்டதாரி.

இவர் நேற்று இரவு மங்கலம் அருகில் உள்ள ஊத்தாங்கல் அருகே பாலம் வேலை நடைபெறும் பகுதி வழியாக மோட்டார் சைக்கிளில் சென்றுள்ளார்.

அப்போது எதிர்பாராத விதமாக மோட்டார் சைக்கிளில் இருந்து தவறி கீழே விழுந்தார்.

இதில் பலத்த காயம் அடைந்த அவரை 108 ஆம்புலன்ஸ் மூலம் அக்கம்பக்கத்தினர் மீட்டு திருவண்ணாமலை அரசு மருத்துவக் கல்லூரி மருத்துவமனைக்கு சிகிச்சைக்காக அனுப்பி வைத்தனர்.

பின்னர் மேல் சிகிச்சைக்காக வேலூரில் உள்ள அடுக்கம்பாறை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டார். அங்கு சிகிச்சை பலனின்றி இன்று அவர் பரிதாபமாக உயிரிழந்தார்.

இதுகுறித்த புகாரின் பேரில் மங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.