அரசு பள்ளி வெற்றி பெற்று மாவட்ட அளவிலான போட்டிக்கு தகுதி

கரூர் மண்டல அளவிலான குறுவட்ட விளையாட்டு போட்டி கோயம்பள்ளி அரசு உயர் நிலைப்பள்ளி வளாகத்தில் நடைபெற்றது. இதில் 43 பள்ளிகளை சேர்ந்த அணிகள் கலந்துகொண்டு விளையாடின, 17 வயதிற்குட்பட்ட ஆண்கள் கபடி போட்டியில் வெள்ளியணை அரசு ஆண்கள் மேல் நிலைப் பள்ளி மாணவர்கள் முதல் பரிசை பெற்று மாவட்ட அளவிலான போட்டிக்கு தகுதி பெற்றது. இதனை அடுத்து முதல் பரிசு பெற்ற மாணவர்களையும், பயிற்சி அளித்த உடற்கல்வி ஆசிரியர்கள் ஜெயச்சந்திரன், கிருஷ்ணன் ஆகியோரை பள்ளியின் தலைமையாசிரியர் முத்துசாமி மற்றும் ஆசிரியர்கள் பாராட்டினர்.