தாயின் கை, கால்களை கட்டிப்போட்டு சிறுமிக்கு பாலியல் தொல்லை

கை, கால்களை கட்டிப்போட்டு...

திருச்சியை சேர்ந்த 44 வயது பெண் தனது 17 வயது மகளுடன் தனியாக வசித்து வந்தார். இவர்கள் 2 பேரும் நேற்று முன்தினம் இரவு வீட்டில் தூங்கிக் கொண்டிருந்தனர். நேற்று அதிகாலை 3.30 மணியளவில் மர்ம ஆசாமி வீட்டின் முன்பக்க கதவின் தாழ்ப்பாளை உடைத்து உள்ளே புகுந்தான். சத்தம் கேட்டு அந்த பெண் எழுந்தார்.

உடனே அந்த ஆசாமி பெண்ணின் வாயில் துணியை நுழைத்து அமுக்கிக் கொண்டு அவரது கை, கால்களை கட்டிப்போட்டுவிட்டு தங்க மோதிரம் மற்றும் ஒரு பவுன் பிரேஸ்லெட் உள்ளிட்ட நகைகளை பறித்துக் கொண்டான்.

பாலியல் தொல்லை

பின்னர் பக்கத்து அறையில் தூங்கி கொண்டு இருந்த அந்த பெண்ணின் மகளிடம் பாலியல் ரீதியாக தொந்தரவு செய்துள்ளான். அப்போது அந்த சிறுமி கதறி அழுதார். சத்தம் போட்டால் உன் தாயை கொன்று விடுவேன் என மிரட்டி விட்டு அங்கிருந்து தப்பி சென்றுள்ளான்.

இந்த சம்பவம் குறித்து அந்த பெண் கொடுத்த புகாரின் பேரில் கண்டோன்மெண்ட் அனைத்து மகளிர் போலீசார் போக்சோ சட்டத்தின் கீழ் வழக்குப்பதிவு செய்து தப்பி ஓடிய மர்ம ஆசாமியை வலைவீசி தேடி வருகின்றனர்.