#லைவ் அப்டேட்ஸ்: பதற்றம்... கோஷம்... பாதியில் வெளியேற்றம்...? அ.தி.மு.க பொதுக்குழு வெற்றியா...! தோல்வியா...! - முழு விவரம்

ஓ.பன்னீர்செல்வத்திற்கு எதிராக உறுப்பினர்கள் கோஷமிடுவதால் பரபரப்பு

ஓ.பன்னீர்செல்வம், எடப்பாடி பழனிசாமிக்கு மலர் கொத்து கொடுத்து வரவேற்றார் அவைத்தலைவர் தமிழ்மகன் உசேன்

அதிமுக பொதுக்குழு கூட்டத்தில் பங்கேற்க வந்த ஓ.பன்னீர்செல்வத்தை வரவேற்காத நிலையில், எடப்பாடி பழனிசாமியை வரவேற்கும் மூத்த நிர்வாகிகள்

அதிமுக பொதுக்குழு நடைபெறும் மண்டபத்தின் காத்திருப்பு அறையில் ஓ.பன்னீர்செல்வம் உள்ளார் 

அதிமுக பொதுக்குழு கூட்டத்தில் பங்கேற்க எடப்பாடி பழனிசாமி வருகை

வானகரம் மண்டபம் முன்பு திரண்டு உள்ள ஆதரவாளர்கள் உற்சாக வரவேற்பு அளித்து வருகின்றனர்

அதிமுக பொதுக்குழு நடைபெறும் வானகரம் பகுதிக்கு வந்தடைந்தார் எடப்பாடி பழனிசாமி

எடப்பாடி பழனிசாமியை வரவேற்று அவருக்கு ஆதரவாக அதிமுக தொண்டர்கள் முழக்கம் எழுப்பி வருகின்றனர்.

அதிமுக பொதுக்குழுவில் உறுப்பினர்கள் வாக்குவாதம்

* ஓ.பன்னீர்செல்வத்திற்கு எதிராக பொதுக்குழு உறுப்பினர்கள் தொடர்ந்து கோஷம் எழுப்பி வருகின்றனர். 

* இரு தரப்பு உறுப்பினர்கள் வாக்குவாதத்தால் அதிமுக பொதுக்குழு நடைபெறும் மண்டபத்தில் பரபரப்பு நிலவுகிறது.

* பொதுக்குழு உறுப்பினர்கள் அமைதி காக்க அதிமுக மூத்த தலைவர்கள் வேண்டுகோள் விடுத்து வருகின்றனர்.

அதிமுக துணை ஒருங்கிணைப்பாளர் வைத்திலிங்கம் மேடைக்கு வந்து விட்டு கீழே இறங்கியதால் பரபரப்பு ஏற்பட்டுள்ளது.

நீதிமன்ற ஆணைப்படி கூட்டம் நடைபெறுவதால் தொண்டர்கள் அனைவரும் அமைதிகாக்க வேண்டும் என்று முன்னாள் அமைச்சர் பா.வளர்மதி வலியுறுத்தி உள்ளார். 

எடப்பாடி வாழ்க என்றும், இரட்டை தலைமை வேண்டாம் என்றும் எடப்பாடி பழனிசாமி தரப்பு ஆதரவாளர்களின் முழக்கமிட்டு வருகின்றனர்.