விநாயகர் சிலைகள் விற்பனை தொடங்கியது

விநாயகர் சதுர்த்தி

இந்துக்களின் முக்கிய பண்டிகைகளில் ஒன்றான விநாயகர் சதுர்த்தி விழா நாடு முழுவதும் நாளை (திங்கட்கிழமை) கோலாகலமாக கொண்டாடப்பட உள்ளது. இதையொட்டி வீடுகள் மற்றும் தெருக்களில் சிலைகளை வைத்து வழிபடும் பொதுமக்கள் பின்னர் அவற்றை நீர்நிலைகளில் கரைத்து விடுவார்கள்.

இதற்காக மாவட்டம் முழுவதும் நாமக்கல் உள்ளிட்ட அனைத்து நகரங்கள் மற்றும் கிராமப்புறங்களிலும் களிமண்ணால் ஆன விநாயகர் சிலைகள் விற்பனை விறுவிறுப்பாக நடைபெற்றது. ஏராளமான பொதுமக்கள் விதவிதமான விநாயகர் சிலைகளை ஆர்வத்துடன் வாங்கி சென்றனர்.

10 அடி வரை

சுமார் யிலான சிலைகள் பிரதான சாலை உள்ளிட்ட இடங்களில் சாலையோரங்களில் அடுக்கி வைக்கப்பட்டு உள்ளன. இந்த சிலைகளை பொதுமக்கள் மற்றும் இந்து அமைப்பினர் வாங்கி செல்வதை பார்க்க முடிந்தது. இந்த சிலைகள் அவற்றின் தரத்தை பொறுத்து ரூ.80 முதல் ரூ.25 ஆயிரம் வரை விற்பனை செய்யப்படுகின்றன.

கடந்த ஆண்டுகளை ஒப்பிடும்போது சிலை விற்பனை மந்தமாகவே இருப்பதாக வியாபாரிகள் தெரிவித்தனர். இதற்கு மூலப்பொருட்களின் விலையேற்றம் மற்றும் சிலை வைப்போருக்கு கூடுதல் கட்டுப்பாடுகள் விதிக்கப்பட்டு இருப்பதே காரணம் எனவும் அவர்கள் தெரிவித்தனர். நாமக்கல் மாவட்டத்தில் இந்த ஆண்டு சிலை வைக்க அனுமதி கேட்டு, சுமார் 500 மனுக்கள் வரப்பெற்று இருப்பதாக போலீசார் தெரிவித்தனர்.