மீனவர்களிடையே தகராறு; 2 பேர் கைது

சேதுபாவாசத்திரம்;

சேதுபாவாசத்திரம் அருகே மீனவர்களிடையே ஏற்பட்ட தகராறு காரணமாக 2 பேர் கைது செய்யப்பட்டு உள்ளனர்.

தாக்குதல்

சேதுபாவாசத்திரம் அருகே உள்ள வல்லவன்பட்டினத்தை சேர்ந்தவர் ராமு(வயது45). மீனவரான இவர் நேற்று முன்தினம் செந்தலைபட்டினம் அருகே மீன்பிடித்துவிட்டு கரை திரும்பிக்கொண்டிருந்தார். அப்போது செந்தலைபட்டினத்தை சேர்ந்த அன்வர்அப்துல் (39), முகமதுஅப்துல்(35), ரஷீத்கான், சலீம் ஆகிய 4 பேர்களும் சேர்ந்து ராமுவை தாக்கியதாக கூறப்படுகிறது. இதில் காயமடைந்த ராமு அறந்தாங்கி அரசு ஆஸ்பத்திரியில் சிகிச்சை பெற்று வருகிறார். இது குறித்து ராமு கொடுத்த புகாரின் பேரில் சேதுபாவாசத்திரம் கடலோர போலீசார் 4 பேர் மீதும் வழக்குப்பதிவு செய்து அன்வர்அப்துல், முகமதுஅப்துல் ஆகிய 2 பேரை கைது செய்தனர்.

வழக்கு

இதைப்போல செந்தலைபட்டினத்தை சேர்ந்த ரஷீத்கான்(37) கொடுத்த புகாரில், கடலில் போடப்பட்ட தனது வலை மற்றும் வலையில் சிக்கியிருந்த மீன்களை வல்லவன்பட்டினத்தை சேர்ந்த ராமு எடுத்ததாகவும் இதைக்கண்ட தானும் சக மீனவர்களும் உடனடியாக சென்று ராமுவை பிடித்து கொண்டு வந்த போது அவர் கடலில் குதித்து தப்பி விட்டதாக கூறியுள்ளார். இதன்பேரிலும் சேதுபாவாசத்திரம் கடலோர காவல்துறையினர் வழக்குப்பதிவு செய்து விசாரணை நடத்தி வருகின்றனர்.