முதற்கட்டமாக 23 தொகுதிகள் - தமிழக மின்வாரியம் அறிவிப்பு

சென்னை,

நடைபாதையில் இருக்கும் மின்மாற்றிகளால் ஏற்பட்டுள்ள இடப்பற்றாக்குறையை தவிர்க்க, "ரிங் மெயின் யூனிட்" என்ற கருவிகள் பொருத்தப்படும் என தமிழக மின்வாரியம் அறிவித்து இருந்தது.

இந்நிலையில், முதற்கட்டமாக 23 தொகுதிகளில் 785 கோடி ரூபாய் செலவில் 5 ஆயிரத்து 424 ஆர்.எம்.யூ கருவிகளை நிறுவ மின்வாரியம் நடவடிக்கை எடுத்து வருகிறது. சென்னையின் புறநகர் சட்டமன்ற தொகுதிகளான மாதவரம், மதுரவாயல், சோழிங்கநல்லூர், ஆலந்தூர், திருவொற்றியூர் உட்பட 23 தொகுதிகளில் 2 ஆயிரத்து 392 ஆர்.எம்.யூ கருவிகள் பொருத்தப்பட்டு உள்ளது.

இதனால், நடைபாதை இடவசதி பெருகுவதோடு, மின்மாற்றிகளின் பராமரிப்பு செலவு குறையும் என மின்வாரிய அதிகாரிகள் தகவல் தெரிவித்து உள்ளனர். விரைவில் இத்திட்டம் தமிழகம் முழுவதும் விரிவுபடுத்தப்பட உள்ளது.