மோட்டார்சைக்கிள் மீது பஸ் மோதி பெண் பலி

காவேரிப்பட்டணம்

தர்மபுரி மாவட்டம் பாலக்கோடு தாலுகா இளங்கலப்பட்டியை சேர்ந்தவர் மங்கம்மாள் (வயது 49). இவர் நேற்று முன்தினம் தனது மகன் முருகேசனுடன் மோட்டார்சைக்கிளில் கிருஷ்ணகிரி- தர்மபுரி சாலையில் சுண்டேகுப்பம் அருகில் சென்று கொண்டிருந்தார். அப்போது அந்த வழியாக வந்த அரசு பஸ் மோட்டார்சைக்கிள் மீது மோதியது. இதில் பலத்த காயம் அடைந்த மங்கம்மாள் சம்பவ இடத்திலேயே பலியானார். முருகேசன் படுகாயம் அடைந்தார். அவரை அருகில் இருந்தவர்கள் மீட்டு சிகிச்சைக்காக காவேரிப்பட்டணம் அரசு ஆஸ்பத்திரியில் சேர்த்தனர். இந்த விபத்து குறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.