பேரையூர் அருகே விபரீத விபத்து - நடந்து சென்றவர் உயிரிழப்பு; வாகன ஓட்டியும் சாவு

பேரையூர்

பேரையூர் அருகே நடந்த விபத்தில் நடந்து சென்றவரும், இருசக்கர வாகனத்தை ஓட்டிவந்தவரும் உயிரிழந்த சம்பவம் சோகத்தை ஏற்படுத்தியது.

மோதியது

மதுரை மாவட்டம் திருமங்கலம் தாலுகா மேட்டுப்பட்டியை சேர்ந்தவர் குருசாமி(வயது 65). இவர் டி.புதுப்பட்டி-மங்கள்ரேவு சாலையில் மேட்டுப்பட்டி அருகே நடந்து சென்று கொண்டிருந்தார். அப்போது, பேரையூர் தாலுகா சின்ன ரெட்டிபட்டியை சேர்ந்த ஜெயராம்(29) ஓட்டி வந்த இருசக்கர வாகனம் குருசாமி மீது மோதியது. இதனால் ஜெயராம் கீழே விழுந்தார். இதில் அவருக்கு தலையில் பலத்த காயம் ஏற்பட்டு சம்பவ இடத்திலேயே பரிதாபமாக இறந்தார்.

சாவு

மேலும் இருசக்கர வாகனம் மோதியதில், குருசாமிக்கும் பலத்த காயம் ஏற்பட்டது. அவரை சிகிச்சைக்காக திருமங்கலம் அரசு ஆஸ்பத்திரிக்கு கொண்டு சென்றனர். அங்கு சிகிச்சை பலன் இல்லாமல் பரிதாபமாக இறந்தார்.

இந்த விபத்து குறித்து நாகையாபுரம் போலீசார் வழக்குப்பதிவு செய்து விசாரித்து வருகின்றனர்.