விவசாயிகள் ஆலோசனை கூட்டம்

சிவகிரி:

சிவகிரி மற்றும் புளியங்குடி வனச்சரக கிராமங்களின் அனைத்து நஞ்சை, புஞ்சை விவசாயிகள் கூட்டமைப்பு சார்பாக ஆலோசனை கூட்டம் சிவகிரியில் நடைபெற்றது. ராஜசிங்கப்பேரி கண்மாய் நீர்ப்பாசன சங்க தலைவரும், ராயகிரி தொடக்க வேளாண்மை கூட்டுறவு சங்க தலைவருமான பிச்சாண்டி தலைமை தாங்கினார். கூட்டத்தில் நடவடிக்கை குழு (நிர்வாகக்குழு) உறுப்பினர்கள் தேர்வு நடந்தது. ஒருங்கிணைப்பாளராக விநாயகர், கடித தொடர்பாளராக உலகநாதன், நிதி காப்பாளராக ராயகிரி பிச்சாண்டி மற்றும் செயற்குழு உறுப்பினர்கள் தேர்வு செய்யப்பட்டனர்.

இதைத்தொடர்ந்து ஒருங்கிணைப்பாளர் தலைமையில் முதல் கூட்டம் நடைபெற்றது. கூட்டத்தில், யானை, பன்றி உள்ளிட்ட வனவிலங்குகள் பயிர்களை நாசம் செய்வதால் விவசாயிகளின் வாழ்வாதாரம் பாதிக்கப்படுகிறது. எனவே விவசாயம், விவசாயிகளின் வாழ்வாதாரம் ஆகியவற்றை பாதுகாக்க அரசை வலியுறுத்தி வருகிற 10-ந்தேதி சிவகிரி காந்தி கலையரங்கம் முன்பு ஆர்ப்பாட்டம் நடத்துவது என்று தீர்மானம் நிறைவேற்றப்பட்டது.