கால்வாய்களில் தண்ணீர் வந்ததால் விவசாயிகள் மகிழ்ச்சி

சிவகங்கை மாவட்ட பாசனத்திற்கு பெரியாற்றில் திறக்கப்பட்ட தண்ணீர் கால்வாய்களில் வந்தது. இதனால் விவசாயிகள் மகிழ்ச்சி அடைந்துள்ளனர்.

கால்வாய்

சிவகங்கை மாவட்டத்தில் பெரியாற்று தண்ணீர் மூலம் சீல்டு கால்வாய், 48-வது மடை கால்வாய் மற்றும் கட்டாணிபட்டி 1-வது கால்வாய் மற்றும் 20-வது கால்வாய், லெஸ்சீஸ் கால்வாய் ஆகிய 5 கால்வாய் மூலம் சிவகங்கை மாவட்டத்தில் உள்ள 129 கண்மாய் நிரம்பி 6,039 ஏக்கர் நிலங்கள் பயன் அடையும்.

இந்தமுறை திறக்கப்பட்ட தண்ணீர் தற்போது லெஸ்சீஸ் கால்வாய் ்தவிர மற்றும் 4 கால்வாய்களில் தண்ணீர் வர தொடங்கியுள்ளது. இதனால் விவசாயிகள் மகிழ்ச்சி அடைந்துள்ளனர்.

நன்றி

இதுதொடர்பாக சிவகங்கை மாவட்ட பெரியாறு வைகை பாசன விவசாயிகள் சங்க நிர்வாகிகள் கூறியதாவது.:-

தமிழக வரலாற்றில் முதல்முறையாக குறிச்சி கண்மாயை 60 மணி நேரத்தில் நிரப்பி கொடுத்தும், சிவகங்கை மாவட்ட பிரதான ஐந்து கால்வாய்களுக்கு தண்ணீர் திறந்தும் இந்தாண்டு விவசாயம் செழிக்க விவசாயிகள் பயன்பெறும் வகையில் நடவடிக்கை எடுத்த முதல்-அமைச்சர் மு.க.ஸ்டாலினுக்கு நன்றி தெரிவித்து கொள்கிறோம். மேலும் அமைச்சர் துரைமுருகன், ஊரக வளர்ச்சி துறை அமைச்சர் கேஆர்.பெரியகருப்பன், பொதுப்பணித்துறை அலுவலர் ஆகியோருக்கு சிவகங்கை மாவட்ட பெரியாறு வைகை பாசன விவசாயிகள் சங்கம் சார்பில் நன்றி கூறுகிறோம்.

இவ்வாறு அவர்கள் கூறினார்கள்.