ஆலங்குளம்,
ஆலங்குளம் அருகே உள்ள பாரைப்பட்டி கிராமத்தை சேர்ந்தவர் கட்டாரி சக்கையன் (வயது42), விவசாயி. இவர் ஆலங்குளம் பெட்ரோல் பங்க் அருகே நின்று கொண்டு இருந்தார். அப்போது ஆலங்குளம் நோக்கி வந்த கார், கட்டாரி சக்கையன் மீது மோதியதாக கூறப்படுகிறது. இதில் படுகாயம் அடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த ஆலங்குளம் சப் -இன்ஸ்பெக்டர் பாபு மற்றும் போலீசார் சம்பவ இடத்திற்கு விரைந்து வந்து கட்டாரி சக்கையனின் உடலை கைப்பற்றி சிவகாசி அரசு மருத்துவமனைக்கு பரிசோதனைக்காக அனுப்பி வைத்தனர். இந்த சம்பவம் குறித்து போலீசார் வழக்குப்பதிவு செய்து கார் டிரைவர் பிரகாஷ் (20) என்பவரை கைது செய்தனர்.