தீக்குளித்து விவசாயி தற்கொலை

போடி ஜமீன் தோப்பு ரோட்டை சேர்ந்தவர் ஈஸ்வரன் (வயது 36). விவசாயி. இவர் கடந்த 1-ந்தேதி தனது மாந்தோப்புக்கு சென்றார். அங்கு உடலில் மண்எண்ணெய் ஊற்றி தீ வைத்து கொண்டார். உடனே அவரை அக்கம்பக்கத்தினர் மீட்டு போடி அரசு மருத்துவமனையில் சிகிச்சைக்காக சேர்த்தனர். அங்கு இருந்து மேல் சிகிச்சைக்காக தேனி அரசு மருத்துவ கல்லூரி மருத்துவமனையில் சேர்க்கப்பட்டார். அங்கு சிகிச்சை பலனின்றி நேற்று முன்தினம் மாலை ஈஸ்வரன் பரிதாபமாக இறந்தார். இதுகுறித்து போடி நகர் போலீசார் வழக்குப்பதிவு செய்து, அவர் எதற்காக தற்கொலை செய்து கொண்டார்? என்பது குறித்து விசாரணை நடத்தி வருகின்றனர்.