திருச்சி-ஆமதாபாத் வாராந்திர சிறப்பு ரெயில் சேவை நீட்டிப்பு

திருச்சி,

திருச்சி-ஆமதாபாத் இடையே வாராந்திர சிறப்பு ரெயில் சேவையை மேலும் 5 வாரங்கள் நீட்டிப்பு செய்து மேற்கு ரெயில்வே அறிவித்துள்ளது. அதன்படி, வியாழக்கிழமை தோறும் ஆமதாபாத்தில் இருந்து காலை 9.30 மணிக்கு புறப்படும் ஆமதாபாத்-திருச்சி வாரந்திர சிறப்பு ரெயில் (எண்:09419) நேற்று மற்றும் வருகிற 8-ந்தேதி, 15-ந்தேதி, 22-ந்தேதி மற்றும் 29-ந்தேதி ஆகிய நாட்களில் இயங்கும். இந்த ரெயில் சனிக்கிழமை அதிகாலை 3.45 மணிக்கு திருச்சியை வந்தடையும்.

இதேபோல் ஞாயிற்றுக்கிழமை தோறும் திருச்சியில் இருந்து காலை 5.45 மணிக்கு புறப்படும் திருச்சி-ஆமதாபாத் வாராந்திர சிறப்பு ரெயில் (எண்:09420) நாளை (ஞாயிற்றுக்கிழமை), 11-ந்தேதி, 18-ந்தேதி, 25-ந்தேதி மற்றும் அடுத்த மாதம் (மார்ச்) 3-ந்தேதி ஆகிய நாட்களில் இயங்கும். இந்த ரெயில் திங்கட்கிழமை இரவு 9.15 மணிக்கு அகமதாபாத் சென்றடையும். இந்த ரெயில்களின் புறப்படும் நேரம், நிறுத்தங்கள் மற்றும் பெட்டிகளின் இணைப்புகளில் எந்த மாற்றமும் இருக்காது. இந்த தகவலை திருச்சி கோட்ட ரெயில்வே நிர்வாகம் தெரிவித்துள்ளது.