வாகனம் மோதி முன்னாள் ராணுவ வீரர் பலி

தோகைமலை, 

தோகைமலை அருகே கல்லடை ஊராட்சி கீழவெளியூரை சேர்ந்தவர் பழனியப்பன் (வயது 78). முன்னாள் ராணுவ வீரர். இவர் நேற்று தனது மோட்டார் சைக்கிளில் ேமலவெளியூரில் உள்ள கோவிலுக்கு ெசன்று கொண்டிருந்தார். கீழவெளியூர் வேங்கடத்தாம்பட்டி பிரிவு சாலை அருகே சென்றபோது அந்த வழியாக வந்த அடையாளம் தெரியாத மோட்டார் சைக்கிள், பழனியப்பன் மோட்டார் சைக்கிள் மீது மோதியது. இதில் படுகாயம் அடைந்த பழனியப்பனை அங்கிருந்தவர்கள் மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து தோகைமலை போலீசார் வழக்குப்பதிவு செய்து விசாரணை நடத்தி வருகின்றனர்.