பிரதமர் மோடியை வரவேற்க ஈ.பி.எஸ், ஓ.பி.எஸ் தனித்தனியே மதுரை பயணம்...!

சென்னை,

திண்டுக்கல் காந்திகிராம, பல்கலைக்கழத்தில் நாளை நடைபெறும் பட்டமளிப்பு விழாவில் பிரதமர் மோடி கலந்து கொள்கிறார். இதில் தமிழக முதல்-அமைச்சர் மு.க.ஸ்டாலின் மற்றும் கவர்னர் ஆர்.என்.ரவி ஆகியோர் கலந்து கொள்கின்றனர்.

பட்டமளிப்பு விழாவுக்கு வருகை தரும் பிரதமர் மோடி, பெங்களூருவில் இருந்து தனி விமானம் மூலம் நாளை மதியம் 2 மணிக்கு மதுரை வருகிறார்.

இந்த நிலையில், தமிழகம் வரும் பிரதமர் மோடியை வரவேற்க எடப்பாடி பழனிசாமி, ஓ.பன்னீர்செல்வம் தனித்தனியே மதுரை பயணம் செய்ய உள்ளதாக தகவல்கள் வெளியாகியுள்ளன. காலை 9.30 மணிக்கு எடப்பாடி பழனிசாமியும், காலை 10.50 மணிக்கு ஓபிஎஸ்-ம் சென்னையில் இருந்து விமானம் மூலம் மதுரை செல்ல உள்ளதாக தகவல்கள் தெரிவிக்கின்றன.