தூத்துக்குடி மாவட்டத்தில் மின்நுகர்வோர் குறைதீர்க்கும் நாள் கூட்டம்

தூத்துக்குடி மாவட்டத்தில் உள்ள மின்நுகர்வோர்கள் சார்ந்த குறைதீர்க்கும் நாள் கூட்டம் மாதந்தோறும் கோட்ட அளவில் நடத்தப்பட்டு வருகிறது. அதன்படி வருகிற 5-ந் தேதி காலை 11 மணிக்கு திருச்செந்தூர் கோட்டத்துக்கு உட்பட்ட காயாமொழி உதவி பொறியாளர் அலுவலகத்திலும், 12-ந் தேதி தூத்துக்குடி நகர்ப்புற கோட்டத்துக்கு உட்பட்ட தூத்துக்குடி சண்முகபுரம் உதவி பொறியாளர் அலுவலகத்திலும், 19-ந் தேதி கோவில்பட்டி கோட்டத்துக்கு உட்பட்ட கடலையூர் உதவி பொறியாளர் அலுவலகத்திலும், 26-ந் தேதி தூத்துக்குடி ஊரக கோட்டத்துக்கு உட்பட்ட குளத்தூர் உதவி பொறியாளர் அலுவலகத்திலும் மின்நுகர்வோர் குறைதீர்க்கும் கூட்டம் நடக்கிறது. எனவே பொதுமக்கள் கலந்து கொண்டு குறைகளை நிவர்த்தி செய்து கொள்ளலாம் என்று தூத்துக்குடி மின்பகிர்மான வட்ட மேற்பார்வை பொறியாளர் குருவம்மாள் தெரிவித்து உள்ளார்.