மோட்டார் சைக்கிள் மோதி முதியவர் பலி

அரியலூர்:

அரியலூர் அருகே உள்ள மகாலிங்கபுரத்தை சேர்ந்தவர் ஆறுமுகம்(வயது 60). இவர் நேற்று முன்தினம் இரவு தனது வீட்டில் இருந்து கோவிந்தபுரம் நோக்கி நடந்து சென்றார். மகாலிங்கபுரம் ரெயில்வே கேட் அருகே சென்றபோது பின்னால் வந்த மோட்டார் சைக்கிள் மோதியதில் சம்பவ இடத்திலேயே ஆறுமுகம் பரிதாபமாக இறந்தார். இது குறித்து அரியலூர் போலீசார் வழக்குப்பதிவு செய்து ஆறுமுகத்தின் உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர். மேலும் இது குறித்து விசாரணை நடத்தி வருகின்றனர்.