அரியலூர் மாவட்டம் மீன்சுருட்டி சப்-இன்ஸ்பெக்டர் கருணாநிதி தலைமையிலான போலீசார் நேற்று ரோந்து பணியில் ஈடுபட்டு இருந்தனர். அப்போது மீன்சுருட்டி அருகே உள்ள ராமதேவநல்லூர் பொட்டகுளம் பகுதியை சேர்ந்த கோவிந்தராஜ் (வயது 65) என்பவர் தனது வீட்டின் பின்புறம் சட்டவிரோதமாக மது விற்றுக்கொண்டு இருந்தது தெரியவந்தது. இதையடுத்து அவரை போலீசார் கைது செய்தனர். மேலும் விற்பனைக்காக வைத்திருந்த 4 மதுபாட்டில்கள் பறிமுதல் செய்யப்பட்டன.