மின் நுகர்வோர் குறை தீர் கூட்டம்

பட்டுக்கோட்டை:

பட்டுக்கோட்டை மின்வாரிய இயக்குதலும், பராமரித்தலும் செயற்பொறியாளர் மாறன் வெளியிட்டுள்ள செய்திக் குறிப்பில் கூறியிருப்பதாவது:-

தஞ்சை மின் பகிர்மான வட்ட மேற்பார்வைப் பொறியாளர் எம்.நளினி தலைமையில் பட்டுக்கோட்டை கோட்ட செயற்பொறியாளர் அலுவலகத்தில் மாதாந்திர மின்நுகர்வோர் குறை தீர்க்கும் கூட்டம் நாளை (வியாழக்கிழமை) காலை 11 மணிக்கு நடைபெற உள்ளது. இதில் பட்டுக்கோட்டை, மதுக்கூர், அதிராம்பட்டினம், பேராவூரணி, திருச்சிற்றம்பலம் ஆகிய பகுதிகளை சேர்ந்த பொதுமக்கள் கலந்து கொண்டு மின் வினியோகம் தொடர்புடைய குறைகளை தெரிவித்து பயன்பெறலாம். இவ்வாறு அதில் கூறப்பட்டுள்ளது.