விபத்தில் சிக்கியதால் தேர்வு எழுத முடியாமல் மாணவன் பாதிப்பு

கே.வி.குப்பத்தை அடுத்த நீலகண்டபாளையம் கிராமத்தை சேர்ந்த 16 வயது மாணவர் பத்தாம் வகுப்பு படித்துவந்தார். நேற்று பொதுத்தேர்வு எழுதுவதற்காக அரசு ஆண்கள் மேல்நிலைப் பள்ளிக்கு மோட்டார் சைக்கிளில் சென்றார். அப்போது தனது நண்பனை அழைத்து வருவதற்காக கே.வி.குப்பம் பஸ் நிலையத்துக்கு சென்றபோது ஊராட்சி மன்ற அலுவலகம் எதிரில் நடந்து வந்த கே.வி.குப்பம் பகுதியைச் சேர்ந்த ஷீலா (வயது 40) என்பவர் மீது மோதினார்.

இதில் இருவரும் நிலைத்தடுமாறி கீழே விழுந்து காயமடைந்தனர். இவர்களை அருகில் இருந்தவர்கள் குடியாத்தம் அரசு மருத்துவமனைக்கு சிகிச்சைக்காக அனுப்பி வைத்தனர். இது குறித்து கே.வி.குப்பம் போலீசார் விசாரணை நடத்தி வருகின்றனர். விபத்தில் சிக்கியதால் தேர்வு எழுதமுடியாமல் போனது சோகத்தை ஏற்படுத்தியது.