மோட்டார் சைக்கிள் மரத்தில் மோதியதில் டிரைவர் பலி

லால்குடி, ஜூலை.3-

லால்குடி அருகே இடையாற்றுமங்கலம் மாரியம்மன் கோவில் தெருவை சேர்ந்தவர் ராதாகிருஷ்ணன். இவரது மகன் கிருஷ்ணமூர்த்தி (வயது 32). நேற்று மாலையில் கிருஷ்ணமூர்த்தி மோட்டார் சைக்கிளில் எல்.அபிஷேகபுரம் - இடையாற்றுமங்கலம் சாலையில் வந்து கொண்டிருந்தார். அப்போது, திடீரென்று அவர் கட்டுப்பாட்டை இழந்து சாலையோரத்தில் உள்ள பனை மரத்தில் மோதினார். இதில் பலத்த காயம் அடைந்த அவர் லால்குடி அரசு மருத்துவமனைக்கு கொண்டு செல்லும் வழியில் பரிதாபமாக இறந்தார். இதுகுறித்த புகாரின் பேரில் லால்குடி போலீசார் வழக்குப்பதிவு செய்து விசாரணை நடத்தி வருகின்றனர்.