மனைவி, மகனை அரிவாளால் வெட்டிய டிரைவர் கைது

பனமரத்துப்பட்டி:-

மல்லூர் அருகே உள்ள நிலவாரப்படி கிராமம் ஏலக்காடு பகுதியை சேர்ந்தவர் முத்து (வயது 51). டிரைவர். இவருடைய மனைவி சின்ன பொண்ணு (40). இவர்களது மகன் சந்தோஷ் (18). இந்த நிலையில் சம்பவத்தன்று இரவு கணவன்- மனைவி இடையே தகராறு ஏற்பட்டுள்ளது. இதில் ஆத்திரமடைந்த முத்து அருகில் இருந்த அரிவாளால் மனைவி சின்னபொன்னு மற்றும் தடுக்க வந்த மகன் சந்தோசை வெட்டினார். இதில் காயம் அடைந்த அவர்கள் சிகிச்சைக்காக சேலம் அரசு ஆஸ்பத்திரியில் சேர்க்கப்பட்டனர். இது குறித்த புகாரின் பேரில் மல்லூர் போலீசார் வழக்குபதிவு செய்து விசாரணை நடத்தி வந்தனர். இந்த நிலையில் நேற்று டிரைவர் முத்துவை கைது செய்தனர்.